Revanth Reddy ఆధ్వర్యంలో హైదరాబాద్లోని MCRHRD Institute పెవిలియన్లో మెగా గ్రోత్ కారిడార్పై కీలక సమీక్ష సమావేశం జరిగింది. భవిష్యత్ తెలంగాణ పట్టణాభివృద్ధి, మౌలిక వసతులు, ట్రాఫిక్ నియంత్రణ, పర్యావరణ పరిరక్షణ, పారిశుద్ధ్యం, పునరుత్పాదక శక్తి వంటి అంశాలపై సీఎం సమగ్ర దిశానిర్దేశం చేశారు.ఈ సమావేశానికి సీఎంఓ కార్యదర్శి మాణిక్ రాజ్, తెలంగాణ మునిసిపల్ అడ్మినిస్ట్రేషన్ కమిషనర్ & డైరెక్టర్ డాక్టర్ టి.కె. శ్రీదేవి, డైరెక్టర్ ఆఫ్ టౌన్ అండ్ కంట్రీ ప్లానింగ్ దేవేందర్ రెడ్డి తదితర ఉన్నతాధికారులు హాజరయ్యారు.
తెలంగాణ భవిష్యత్ పట్టణాల రూపురేఖలను నిర్ణయించేలా సీఎం రేవంత్ రెడ్డి పలు కీలక సూచనలు చేశారు. ముఖ్యంగా Khammam, Warangal, Karimnagar కార్పొరేషన్లకు ఔటర్ రింగ్ రోడ్లు ఏర్పాటు చేయాలని అధికారులను ఆదేశించారు. పెరుగుతున్న నగరీకరణను దృష్టిలో ఉంచుకొని ట్రాఫిక్ సమస్యలు రాకుండా ముందస్తు ప్రణాళికలు సిద్ధం చేయాలని సూచించారు.రాబోయే ఎయిర్పోర్ట్లను దృష్టిలో ఉంచుకొని రహదారి నెట్వర్క్ను అభివృద్ధి చేయాలని సీఎం స్పష్టం చేశారు. భవిష్యత్ అవసరాలకు సరిపోయేలా రోడ్లను డిజైన్ చేయాలని, వచ్చే 25 ఏళ్ల అభివృద్ధిని దృష్టిలో పెట్టుకొని పట్టణ ప్రణాళికలు రూపొందించాలని అధికారులకు సూచించారు.
అండర్గ్రౌండ్ డ్రైనేజీ వ్యవస్థల్లో ఆధునిక సాంకేతికత వినియోగించాలని సీఎం పేర్కొన్నారు. అవసరమైన ఎస్టీపీలు (Sewage Treatment Plants) నిర్మించి మురుగునీటి శుద్ధికి ప్రాధాన్యత ఇవ్వాలని చెప్పారు. అలాగే సీవరేజ్ & వేస్ట్ వాటర్ మేనేజ్మెంట్ బోర్డు నుంచి శుద్ధి చేసిన నీటినే భవన నిర్మాణాల్లో వినియోగించేలా నిబంధనలు తీసుకురావాలని ఆదేశించారు.పర్యావరణ పరిరక్షణపై ప్రత్యేక దృష్టి పెట్టిన సీఎం.. ప్రతి పట్టణంలో పునరుత్పాదక విద్యుత్ ఉత్పత్తి జరిగేలా చర్యలు తీసుకోవాలని సూచించారు. మున్సిపాలిటీలలో సోలార్ ఎనర్జీ ప్లాంట్లు ఏర్పాటు చేయాలని, ఖర్చు తగ్గించుకునేందుకు ఈవీ వాహనాలను ప్రోత్సహించాలని పేర్కొన్నారు.
సాలిడ్ వేస్ట్ మేనేజ్మెంట్ ప్లాంట్లు, వేస్ట్ వాటర్ ట్రీట్మెంట్ ప్లాంట్లు ప్రతి అర్బన్ ప్లానింగ్లో తప్పనిసరిగా భాగం కావాలని సీఎం స్పష్టం చేశారు. నగరాల్లో రేడియేషన్ ప్రభావం తగ్గించేందుకు మల్టీ యుటిలిటీ టవర్లు ఏర్పాటు చేయాలని కూడా సూచించారు.ట్రాఫిక్ నియంత్రణలో ఆర్టిఫిషియల్ ఇంటెలిజెన్స్ వినియోగంపై సాంకేతిక నిపుణుల సలహాలు తీసుకోవాలని అధికారులకు సీఎం సూచించారు. స్మార్ట్ సిటీ కాన్సెప్ట్కు అనుగుణంగా టెక్నాలజీ ఆధారిత మౌలిక వసతులు అభివృద్ధి చేయాలని చెప్పారు.
Singareni Collieries Company Limited పరిధిలో ఉన్న అన్ని మున్సిపాలిటీలను ఒక యూనిట్గా అభివృద్ధి చేయాలని సీఎం ప్రతిపాదించారు. సింగరేణి సీఎస్ఆర్ నిధులను స్థానిక అభివృద్ధికే ఖర్చు చేయాలని స్పష్టం చేశారు.ఆధ్యాత్మిక మరియు పర్యాటక అభివృద్ధిపై కూడా సీఎం ప్రత్యేక దృష్టి పెట్టారు. Nalgonda – Yadagirigutta Temple మధ్య టెంపుల్ కారిడార్ ఏర్పాటు చేయాలని సూచించారు.
అలాగే Adilabad, Nagoba Temple, Basara Temple, Kadem Project ప్రాంతాలను కలుపుతూ ప్రత్యేక టూరిజం కారిడార్ అభివృద్ధి చేయాలని ఆదేశించారు.కృష్ణా పుష్కరాలను దృష్టిలో ఉంచుకొని Jogulamba Temple అభివృద్ధిపై కూడా సీఎం కీలక సూచనలు చేశారు. అదేవిధంగా Mahabubnagar, భూత్పూర్, జడ్చర్ల ప్రాంతాలను కలిపి కొత్త కారిడార్ ఏర్పాటు చేయాలని పేర్కొన్నారు.
Kothagudem, పాల్వంచ, సుజాతనగర్ ప్రాంతాలను సమగ్ర కారిడార్గా అభివృద్ధి చేయాలని సీఎం సూచించారు. ముఖ్యంగా వరంగల్–కరీంనగర్–ఖమ్మం కారిడార్ భవిష్యత్ తెలంగాణ అభివృద్ధికి అత్యంత కీలకమని సీఎం అభిప్రాయపడ్డారు.తెలంగాణను వచ్చే దశాబ్దాల్లో దేశంలో అత్యాధునిక, పర్యావరణ హిత, టెక్నాలజీ ఆధారిత రాష్ట్రంగా తీర్చిదిద్దడమే లక్ష్యంగా ఈ ప్రణాళికలు రూపొందిస్తున్నట్లు అధికారులు పేర్కొన్నారు.
Telangana
