రాజమౌళి సినిమా అంటేనే కేవలం యాక్షన్, విజువల్స్ మాత్రమే కాదు.. పాటల్లో కూడా ఒక రేంజ్ ఇంపాక్ట్ ఉంటుంది. ఆర్ఆర్ఆర్ లోని ‘నాటు నాటు’ సాంగ్ ఆస్కార్ వరకు వెళ్లి ఇండియన్ సినిమా సత్తాను చాటి చెప్పింది. ఇప్పుడు మహేష్ బాబుతో తీస్తున్న ‘వారణాసి’లో కూడా అలాంటి ఒక సెన్సేషనల్ సాంగ్ ఉండబోతోందనే వార్త ఇప్పుడు సోషల్ మీడియాను షేక్ చేస్తోంది. ముఖ్యంగా హాలీవుడ్ మీడియాతో జరిపిన చిట్ చాట్ లో ఈ పాట గురించి బయటకు వచ్చిన లీక్స్ ఇప్పుడు అందరినీ ఎగ్జైట్ చేస్తున్నాయి.
సాధారణంగా రాజమౌళి సినిమాల్లోని సాంగ్స్ కథలో భాగంగానే వస్తాయి. కానీ ఈసారి ‘వారణాసి’ కోసం ఆయన ఒక గ్లోబల్ లెవల్ డ్యాన్స్ నంబర్ను ప్లాన్ చేసినట్లు తెలుస్తోంది. ఇప్పటికే ఈ సాంగ్ షూటింగ్ కూడా పూర్తయిందని మహేష్ ఒకే ఒక్క లీక్ ఇచ్చారు. ‘నాటు నాటు’ లో చరణ్, ఎన్టీఆర్ ఇద్దరూ కలిసి సింక్రొనైజ్డ్ స్టెప్స్ తో మ్యాజిక్ చేశారు. కానీ వారణాసిలో మహేష్ బాబు ఒక్కరే హీరో కావడంతో, జక్కన్న ఆయనతో ఎలాంటి మ్యాజిక్ చేయించారో అనే క్యూరియాసిటీ అందరిలోనూ మొదలైంది.
ఈ క్రేజీ సాంగ్ గురించి మహేష్ బాబు స్వయంగా ఒక ఇంటర్వ్యూలో క్లారిటీ ఇచ్చారు. సినిమాలో ఒక భారీ పాట షూటింగ్ ఇప్పటికే కంప్లీట్ అయిందని ఆయన లీక్ చేశారు. ఈ పాట కోసం మహేష్ బాబు చాలా రోజులు రిహార్సల్స్ చేశారట. ‘నాటు నాటు’ స్థాయిలో ఇది గ్లోబల్ ఇంపాక్ట్ కలిగిస్తుందని నెటిజన్లు భావిస్తున్నారు. మహేష్ బాబు స్టైల్, గ్రేస్ కు తగ్గట్టుగా రాజమౌళి ఈ పాటను ఎంతో గ్రాండ్గా డిజైన్ చేశారని అర్థమవుతోంది.
సినిమా షూటింగ్ హైదరాబాద్ తో పాటు విదేశాల్లో కూడా జరుగుతోంది కాబట్టి, ఈ పాటను ఏదైనా ఇంటర్నేషనల్ లొకేషన్ లో షూట్ చేశారా లేక మన దగ్గరే భారీ సెట్స్ వేశారా అనేది ప్రస్తుతానికి సస్పెన్స్. అయితే మహేష్ బాబు నుండి ఇలాంటి ఒక ఫాస్ట్ బీట్ సాంగ్ వచ్చి చాలా కాలం అయ్యింది. అందుకే జక్కన్న విజన్ లో మహేష్ డ్యాన్స్ మూమెంట్స్ ఎలా ఉండబోతున్నాయో చూడాలని ఫ్యాన్స్ వెయిట్ చేస్తున్నారు. కేవలం డ్యాన్స్ మాత్రమే కాకుండా ఈ పాటలో విజువల్ ఎఫెక్ట్స్ కూడా కీలక పాత్ర పోషించనున్నాయట.
మహేష్ బాబు తన పాత్ర కోసం ఇప్పటికే మేకోవర్ అయ్యారు కాబట్టి, ఆ కొత్త లుక్ లో ఆయన డ్యాన్స్ స్టెప్స్ అదిరిపోతాయని టీమ్ నమ్మకంగా ఉంది. ఈ పాటలో మహేష్ తో పాటు మరికొంతమంది ఇంటర్నేషనల్ డ్యాన్సర్లు కూడా కనిపించే అవకాశం ఉందని టాక్. అంటే రాజమౌళి ఈసారి ఒకే హీరోతో ఇద్దరు హీరోల రేంజ్ ఎనర్జీని స్క్రీన్ మీద చూపించబోతున్నారన్నమాట. ఈ పాట గనుక క్లిక్ అయితే బాక్సాఫీస్ వద్ద వారణాసి రేంజ్ ఎక్కడికో వెళ్లడం ఖాయం.
ఇక ‘వారణాసి’ టీమ్ నుండి వస్తున్న ఈ అప్డేట్స్ సినిమాపై అంచనాలను పీక్స్కు తీసుకెళ్తున్నాయి. వచ్చే ఏడాది ఏప్రిల్ 7న రిలీజ్ కాబోతున్న ఈ గ్లోబల్ ఎపిక్ లో ఈ సాంగ్ మెయిన్ హైలైట్ కానుందట. మహేష్ బాబు చెప్పిన ఈ లీక్ తో ఇప్పుడు సోషల్ మీడియాలో వైరల్ గా మారింది. ఏదేమైనా జక్కన్న మ్యాజిక్ ఎలా ఉంటుందో తెలియాలంటే మరికొంత కాలం ఓపిక పట్టాల్సిందే.
Varanasi
