సౌత్ సినీ ఇండస్ట్రీలో ఇప్పుడు ఓ యంగ్ బ్యూటీ సెన్సేషన్ క్రియేట్ చేస్తోంది. అందం, టాలెంట్ మాత్రమే కాదు.. అంతకు మించిన మంచి మనసుతో అందరినీ ఆకట్టుకుంటోంది. అద్భుతమైన డ్యాన్సులతో, క్రేజీ యాక్టింగ్ స్టైల్‌తో తెలుగు, కన్నడ ప్రేక్షకులకు పిచ్చెక్కిస్తున్న ఈ బ్యూటీ.. కేవలం 23 ఏళ్ల వయసులోనే ముగ్గురు పిల్లలకు తల్లి అయింది. అది కూడా సొంత పిల్లలు కాదు, దత్తత తీసుకుని మరీ అమ్మ ప్రేమను పంచుతోంది. ఆమె ఎవరో కాదు, శ్రీలీల.
శ్రీలీల 2001, జూన్ 14న అమెరికాలో పుట్టింది. కానీ పెరిగింది మాత్రం బెంగళూరులోనే. వాళ్ల అమ్మ డాక్టర్ స్వర్ణలత (Dr. Swarnalatha) బెంగళూరులో ఫేమస్ గైనకాలజిస్ట్. ఆమె ప్రముఖ పారిశ్రామికవేత్త సూరపనేని శుభాకరరావు (Surapaneni Subhakara Rao)తో విడిపోయాకే శ్రీలీల పుట్టిందని సమాచారం. అయితే, 2021లో శుభాకరరావు ఓ ప్రెస్ మీట్ పెట్టి, శ్రీలీల తన కూతురు కాదని, తమ పేర్లను ముడిపెట్టవద్దని మీడియాను కోరడం అప్పట్లో సంచలనం రేపింది.
చాలా సంప్రదాయ కుటుంబం నుంచి వచ్చినా, శ్రీలీల సినిమాల వైపు అడుగులేసింది. MBBS చదువుతూనే ఇండస్ట్రీకి వచ్చింది. 2021లో తన మెడికల్ స్టడీస్ కూడా పూర్తి చేసింది. చిన్నప్పటి నుంచే భరతనాట్యంలో ట్రైనింగ్ తీసుకున్న శ్రీలీల, 2019లో కన్నడ సినిమా ‘కిస్’తో హీరోయిన్‌గా ఎంట్రీ ఇచ్చింది. ఆ తర్వాత ‘భరాటే’ (Bharaate), ‘బై టూ లవ్’ (By Two Love) లాంటి కన్నడ సినిమాలు చేసింది.
తెలుగులో మాత్రం ‘పెళ్లి సందD’ సినిమాతో గ్రాండ్ ఎంట్రీ ఇచ్చి, ఇక్కడి కుర్రాళ్ల మనసు దోచేసింది. ఆ తర్వాత వెనక్కి తిరిగి చూసుకోలేదు. ‘ధమాకా’, ‘స్కందా’ (Skanda), భగవంత్ కేసరి, ఆదికేశవ, ఎక్స్‌ట్రా ఆర్డినరీ మ్యాన్, గుంటూరు కారం లాంటి సినిమాలతో దూసుకుపోతోంది.
నటన, డ్యాన్స్ మాత్రమే కాదు.. శ్రీలీలకు సేవా గుణం కూడా ఎక్కువే. 2022, ఫిబ్రవరిలో, అంటే కేవలం 21 ఏళ్ల వయసులోనే, ఓ అనాథాశ్రమాన్ని సందర్శించినప్పుడు అక్కడ ఉన్న ఇద్దరు ప్రత్యేక అవసరాలున్న పిల్లలు గురు (Guru), శోభిత (Shobhitha)ను దత్తత తీసుకుని పెద్ద మనసు చాటుకుంది. రీసెంట్‌గా మరో పాపను కూడా తన ఇంటికి “కొత్త సభ్యురాలు”గా పరిచయం చేస్తూ ఇన్‌స్టాగ్రామ్‌లో పోస్ట్ పెట్టింది. ఆ పిల్లలతో తనకున్న ఎమోషనల్ బాండింగ్‌ను చూస్తే, తల్లిగా తన బాధ్యతను ఎంత సీరియస్‌గా తీసుకుందో అర్థమవుతుంది.
శ్రీలీల డ్యాన్స్ గురించి ఎంత చెప్పినా తక్కువే. ‘పుష్ప 2’ (Pushpa 2)లో ఐకాన్ స్టార్ అల్లు అర్జున్‌తో కలిసి ‘కిస్సిక్’ (Kissik) లాంటి స్పెషల్ సాంగ్‌లో అదరగొట్టింది. ‘గుంటూరు కారం’లో సూపర్ స్టార్ మహేష్ బాబుతో కలిసి చేసిన ‘కుర్చీ మడతపెట్టి’ సాంగ్‌ అయితే థియేటర్లను షేక్ చేసింది. వీటితో పాటు ‘ఓలే ఓలే పాపాయి’ (Ole Ole Paapaayi), ‘డేంజర్ పిల్ల’, ‘గందరబాయ్’ లాంటి ఎన్నో హిట్ సాంగ్స్‌లో తన స్టెప్పులతో అదరగొట్టింది. అంతేకాదు, వయసులో తనకంటే దాదాపు రెట్టింపు ఉన్న సీనియర్ హీరోలు నందమూరి బాలకృష్ణ, రవితేజ (Ravi Teja) లాంటి వారితో కూడా ఏమాత్రం సంకోచించకుండా నటించి, తన యాక్టింగ్ రేంజ్‌ను ప్రూవ్ చేసుకుంది.
రెమ్యూనరేషన్, ఫ్యూచర్ ప్రాజెక్ట్స్ ప్రస్తుతం శ్రీలీల క్రేజ్ మామూలుగా లేదు. ఆమె ఆస్తుల విలువ దాదాపు రూ.15 కోట్లు ఉంటుందని అంచనా. ఒకప్పుడు గంటకు రూ.4 లక్షలు తీసుకునే స్థాయి నుంచి ఇప్పుడు ఒక్కో సినిమాకు ఏకంగా రూ.4 కోట్లు రెమ్యూనరేషన్ తీసుకునే రేంజ్‌కు ఎదిగింది. త్వరలో మాస్ మహారాజా రవితేజతో కలిసి ‘మాస్ జాతర’లో అఖిల్ అక్కినేని (Akhil Akkineni)తో ‘లెనిన్’ అనే సినిమాల్లో కనిపించనుంది. బాలీవుడ్ హీరో కార్తీక్ ఆర్యన్ (Kartik Aaryan)కి జోడీగా అనురాగ్ బసు దర్శకత్వంలో ఓ రొమాంటిక్ మ్యూజికల్ డ్రామాతో హిందీలో కూడా ఎంట్రీ ఇవ్వబోతోంది. ఈ సినిమా 2025 దీపావళికి విడుదల కానుంది.
