ఆంధ్రప్రదేశ్ ముఖ్యమంత్రి చంద్రబాబు నాయుడు జాతీయ రాజకీయాల్లో కీలక వ్యక్తిగా ఉన్నారు. ప్రస్తుతం ఆయన ఎన్డీయే కూటమిలో కీలక పాత్ర పోషిస్తున్నారు. ఈ నేపథ్యంలోనే జాతీయ మీడియా ఆయనపై నిరంతరం దృష్టి సారించింది.
కొన్ని ఉత్తరాది మీడియా సంస్థలు చంద్రబాబుపై తప్పుడు కథనాలను ప్రచారం చేశాయి. “చంద్రబాబు ముఖ్యమంత్రి పదవికి రాజీనామా చేసి, ఎన్డీయే కూటమి నుంచి బయటకి వస్తారని” కొన్ని మీడియా సంస్థలు అసత్య కథనాలను ప్రసారం చేశాయి. అంతేకాకుండా నారా లోకేశ్ కేంద్ర ప్రభుత్వంపై అవిశ్వాస తీర్మానం ప్రవేశపెట్టాలని ఆలోచిస్తున్నట్లుగా కూడా రాశాయి. ఈ ప్రచారం రాష్ట్రంలోనే కాదు, దేశవ్యాప్తంగా రాజకీయ వర్గాల్లో చర్చనీయాంశంగా మారింది.
ఈ తప్పుడు ప్రచారంపై తెలుగుదేశం పార్టీ (టీడీపీ) వెంటనే స్పందించింది. పార్టీ ఒక అధికారిక ప్రకటనను విడుదల చేసి, ఈ వార్తలన్నీ అవాస్తవాలని స్పష్టంచేసింది. “చంద్రబాబు రాజీనామా చేస్తారని, లోకేశ్ అవిశ్వాస తీర్మానం ప్రవేశపెడతారని ఉత్తరాది మీడియాలో వచ్చిన వార్తలు పూర్తిగా తప్పుడు సమాచారం. ఇది కేవలం సోషల్ మీడియాలో వైరల్ అవుతున్న ఒక తప్పుడు ప్రచారం మాత్రమే, దీని వెనుక ఎలాంటి వాస్తవం లేదు” అని పేర్కొంది. ఈ ప్రకటనతో తప్పుడు ప్రచారానికి చెక్ పడింది.
అసలు విషయానికొస్తే, చంద్రబాబు నాయుడు ఎప్పటిలాగే ఎన్డీయే కూటమికి తన పూర్తి మద్దతును అందిస్తున్నారు. ఉపరాష్ట్రపతి అభ్యర్థి సీ.పీ. రాధాకృష్ణన్కు ఆయన బలమైన మద్దతు ప్రకటించడం కూడా దీనికి నిదర్శనం. కేంద్ర ప్రభుత్వంలో చంద్రబాబు ప్రాధాన్యత పెరుగుతున్న నేపథ్యంలో కొందరు విమర్శకులు, మీడియా వర్గాలు ఎన్డీయేలో గందరగోళం సృష్టించాలనే ఉద్దేశంతో ఇలాంటి కథనాలను ప్రచారం చేస్తున్నట్లు స్పష్టమవుతోంది. ఇది కేవలం రాజకీయ ప్రత్యర్థులు సృష్టించిన అబద్ధమేనని టీడీపీ తేల్చిచెప్పింది.
ఉత్తరాది సోషల్ మీడియాలో వైరల్ అవుతున్న ఫేక్ ప్రచారం ఇది. ఏపీ ముఖ్యమంత్రి చంద్రబాబు గారు రాజీనామాకు సిద్ధమయ్యారని… ఆయన కుమారుడు లోకేష్ తమ రాష్ట్రానికి చెందిన 16 మంది ఎంపీలతో కేంద్రంలోని ఎన్డీయే ప్రభుత్వం పై పార్లమెంట్ లో అవిశ్వాస తీర్మానం పెట్టనున్నారని ఈ ప్రచార సారాంశం. ఇది… pic.twitter.com/r9PzbSTnFl
— Telugu Desam Party (@JaiTDP) August 26, 2025
