నారా కుటుంబంలో వివాహ సందడి నెలకొంది. ముఖ్యమంత్రి చంద్రబాబు సోదరుని కుమారుడు, నటుడు నారా రోహిత్, శిరీషల వివాహం హైదరాబాద్‌లో అంగరంగ వైభవంగా జరిగింది. ఈ వేడుకకు సీఎం చంద్రబాబు, మంత్రి నారా లోకేశ్ తమ కుటుంబ సభ్యులతో కలిసి హాజరై నూతన వధూవరులను ఆశీర్వదించారు. ఈ శుభ సందర్భాన్ని పురస్కరించుకుని చంద్రబాబు, లోకేశ్ సోషల్ మీడియా వేదికగా తమ ఆనందాన్ని పంచుకున్నారు.
ఈ సందర్భంగా ముఖ్యమంత్రి చంద్రబాబు తన సంతోషాన్ని వ్యక్తం చేశారు. “మా ఇంటి పెళ్లి సందడి. నా సోదరుడు దివంగత నారా రామ్మూర్తి నాయుడు దివ్య ఆశీస్సులతో తనయుడు నారా రోహిత్, శిరీషల వివాహ వేడుకను అంగరంగ వైభవంగా చేశాం. నూతన వధూవరులకు అక్షింతలు వేసి ఆశీస్సులు అందజేశాం. మా రోహిత్ ఒక ఇంటివాడు అవుతున్న శుభ సందర్భం మా కుటుంబానికి ఒక పండుగ. మా నారావారి ఆహ్వానం మన్నించి పెళ్లికి విచ్చేసి కొత్త జంటకు శుభాకాంక్షలు తెలియజేసిన అందరికీ ధన్యవాదాలు” అని చంద్రబాబు పేర్కొన్నారు.
మరోవైపు, రాష్ట్ర మంత్రి నారా లోకేశ్ కూడా ఈ వేడుకలో పాల్గొని నూతన దంపతులకు శుభాకాంక్షలు తెలిపారు. “కుటుంబంతో కలిసి సోదరుడు నారా రోహిత్ వివాహ వేడుకకు హాజరయ్యాను. హైదరాబాద్ అజీజ్ నగర్‌లోని ద వెన్యూ కన్వెన్షన్‌లో జరిగిన వివాహ వేడుకలో పాల్గొని నూతన వధూవరులు నారా రోహిత్, శిరీషలను ఆశీర్వదించాను. వైవాహిక జీవితంలోకి అడుగుపెడుతున్న నూతన దంపతులకు శుభాకాంక్షలు తెలిపాను,” అని లోకేశ్ తన పోస్టులో వివరించారు. ఈ వివాహ వేడుకకు పలువురు కుటుంబ సభ్యులు, సన్నిహితులు హాజరై కొత్త జంటను ఆశీర్వదించారు.
“మా ఇంటి పెళ్లి సందడి.. నా సోదరుడు దివంగత నారా రామ్మూర్తి నాయుడు దివ్య ఆశీస్సులతో తనయుడు నారా రోహిత్, శిరీషల వివాహ వేడుకను అంగరంగ వైభవంగా చేశాం. నూతన వధూవరులకు అక్షింతలు వేసి ఆశీస్సులు అందజేశాం. మా రోహిత్ ఒక ఇంటివాడు అవుతున్న శుభ సందర్భం మా కుటుంబానికి ఒక పండుగ. మా నారావారి ఆహ్వానం మన్నించి పెళ్లికి విచ్చేసి కొత్త జంటకు శుభాకాంక్షలు తెలియజేసిన అందరికీ ధన్యవాదాలు” అంటూ చంద్రబాబు రాసుకొచ్చారు. అలాగే కొన్ని ఫోటోలు పంచుకున్నారు.
ప్రముఖ నటుడు నారా రోహిత్ (Nara Rohith), శిరీష లేళ్ల (Siree Lella) పెళ్లి గురువారం రాత్రి 10.35 గంటలకు అంగరంగ వైభవంగా జరిగింది.ఏపీ సీఎం, రోహిత్ పెదనాన్న చంద్రబాబు (Nara Chandrababu), ఆయన సతీమణి భువనేశ్వరి ఈ పెళ్లికి పెద్దలుగా వ్యవహరించారు.మంత్రి లోకేశ్ దంపతులు, సినీ నటుడు, హిందూపురం ఎమ్మెల్యే బాలకృష్ణ దంపతులతోపాటు నందమూరి, నారా కుటుంబాలకు చెందిన బంధుమిత్రుల నడుమ పెళ్లివేడుక ఘనంగా జరిగింది.హైదరాబాద్‌లోని అజీజ్‌నగర్‌లోని ఓ ఫంక్షన్‌ హాలులో జరిగిన ఈ కార్యక్రమానికి పలువురు సినీ, రాజకీయ ప్రముఖులు హాజరయ్యారు.
