కాలం ఎంత మారినా.. సమాజం ఎంత ముందుకు పోతున్నా.. మహిళల విషయంలో పలువురి మగాళ్ల బుద్ది లేని పనులు, అసభ్యకరమైన ఆలోచనలు మాత్రం మారడం లేదు! దీంతో… మహిళలపై అఘాయిత్యాలు, దాడులు, చిల్లర చేష్టలు రోజు రోజుకీ పెరిగిపోతున్నాయి. ఈ క్రమంలో తాజాగా ఓ షాకింగ్ వీడియో తెరపైకి వచ్చింది. ఇందులో ఓ మహిళ ప్రైవేట్ పార్ట్స్ ను డెలివరీ బాయ్ టచ్ చేశాడు!
అవును… ఓ మహిళతో డెలివరీ బాయ్ అసభ్యంతరంగా ప్రవర్తించిన ఘటన తాజాగా తెరపైకి వచ్చింది. ఈ సమయంలో మహిళకు పార్శిల్ డెలివరీ ఇచ్చిన ఆ వ్యక్తి.. ఆమె నుంచి క్యాష్ తీసుకుంటున్న క్రమంలో ఆమె ప్రైవేట్ పార్ట్ టచ్ చేశాడు. ఆ సమయంలో ఒక్కసారిగా షాకైన ఆమె వెనక్కు జరిగింది. దీనికి సంబంధించిన దృశ్యాలు సోషల్ మీడియాలో వైరల్ గా మారాయి.
వైరల్ అవుతున్న వీడియో క్లిప్ లో… బ్లింకిట్ యెల్లో కోడ్ డ్రెస్ ధరించిన ఆ డెలివరీ బాయ్, మహిళకు పార్సిల్ ఇస్తూ పేమెంట్ తీసుకుంటున్నాడు. ఈ క్రమంలో ఒక్కసారిగా ఆమె ఛాతిని చేతితో తాకుతూ అసభ్యంగా ప్రవర్తించాడు! దీంతో మహిళ అతడిపై అసహనం ప్రదర్శించింది. ఇదే విషయాన్ని ఆ మహిళ తన ‘ఎక్స్’ ఖాతాలో వెల్లడించింది. ఇందులో భాగంగా… ‘ఈ రోజు నేను బ్లింకిట్ లో ఆర్డర్ పెట్టినప్పుడు ఈ ఘటన జరిగింది. డెలివరీ బాయ్ నన్ను అడ్రస్ అడుగుతూ అసభ్యంగా నా ప్రైవేట్ పార్ట్ తాకాడు. ఇది ఏమాత్రం ఆమోదయోగ్యం కాదు. బ్లింకిట్ ఈ ఘటనపై స్పందించి కఠిన చర్యలు తీసుకోవాలి అని చెబుతూ… భారతదేశంలో మహిళల భద్రత ఒక జోకేనా? అని ఆమె ఓ ప్రశ్న లేవనెత్తింది.
అయితే ఈ ఘటనపై తొలుత బ్లింకిట్ స్పందించలేదు. ఆ తర్వాత ఆమె క్లియర్ గా ప్రూఫ్స్ పెట్టడంతో కీలక నిర్ణయం తీసుకుంది. ఇందులో భాగంగా సదరు డెలివరీ బాయ్ ను విధుల నుంచి తొలగించినట్లు తెలుస్తోంది. ఆ తర్వాత.. ‘మీరు సరైన సమయంలో చెప్పిన విషయాలను మేము గ్రహిస్తున్నాం.. ఈ ఘటనపై మేము చింతిస్తున్నాం.. ఈ ఘటనపై స్పందించి, సరైన నిర్ణయం తీసుకున్నాం అని తెలిపింది.
This is what happened with me today while ordering from Blinkit. The delivery guy asked for my address again and then touched me inappropriately. This is NOT acceptable. @letsblinkit please take strict action. #Harassment #Safety @letsblinkit …is women safety is joke in India? pic.twitter.com/aAsjcT3mnO
— S🪐 (@eternalxflames_) October 3, 2025
