దేశానికి ప్రధానిగా నరేంద్ర మోడీ ఉన్నారు. ఆయన ఇరవై ఎనిమిది రాష్ట్రాలు కేంద్ర పాలిత ప్రాంతాలకు అధి నాయకుడు. అందరికీ పెద్దన్న. ఎవరికి ఏ కష్టం వచ్చినా చూడాల్సిన బాధ్యత కేంద్రానికి ఉంది. ఈ నేపథ్యంలో కేంద్ర ప్రభుత్వం అందరి పట్ల వివక్ష లేకుండా చూడాల్సి ఉంటుంది. అదే సమయంలో ఇబ్బందులలో ఉన్న రాష్ట్రాల పట్ల కొంత సానుకూలత చూపించాల్సి ఉంటుంది. మరి కేంద్రంలో మూడవసారి అధికారంలోకి వచ్చిన మోడీకి ఏపీ పట్ల ఉన్న అభిప్రాయం ఏమిటి ఆయన మనసులో మాటలు ఏమిటి అన్నది ఆయన కేబినెట్ లో కీలక మంత్రిగా ఉన్న నిర్మలా సీతారామన్ చెప్పారు.
ప్రధాని నరేంద్ర మోడీ పెద్ద మనసుతో ఏపీ పట్ల ఎంతో అభిమానం చూపిస్తున్నారు అని నిర్మలమ్మ చెప్పారు. ఆయన ఏపీకి సంబంధించిన ఏ విషయం చెప్పినా వెంటనే ఆమోదం తెలియచేస్తారు అని ఆమె చెప్పుకొచ్చారు. ఏపీ అన్ని విధాలుగా బాగా ఉండాలన్నదే ప్రధాని ఆలోచన అని ఆమె చెప్పారు.
అమరావతి రాజధాని నిర్మాణం ఒక యజ్ఞం లాంటిది అని కేంద్ర ఆర్ధిక మంత్రి చెప్పడం విశేషం. దేశంలో కొత్తగా రాజధాని నిర్మించడం అన్నది సామాన్య విషయం కాదని అన్నారు. అయితే ఏపీ రాజధాని అనే బృహత్కార్యానికి మోడీ అండ పూర్తిగా ఉండడం వల్ల రాజధాని కల తొందరలో సాకారం అవుతుందని అన్నారు.
ఏపీకి విభజన గాయాలు ఉన్నయని ఆంధ్రప్రదేశ్‌కు అనేక ఇబ్బందులు ఎదుర్కొంటోనని ప్రధాని అంటూంటారు అని నిర్మలమ్మ చెప్పారు. అలాంటి ఏపీఎకి భరోసా ఇవ్వాల్సి ఉందని ఆయన గట్టి నిర్ణయం తీసుకున్నారని ఆమె తెలిపారు. ఏపీ ప్రస్తావన వస్తే చాలు ఏ పధకానికి కార్యక్రమానికి అయినా ఆమోదం తెలపాలని మోడీ చూస్తారు అని నిర్మలమ్మ చెప్పడం విశేషం. ఇక రాజధాని ప్రాంతంలో అన్నీ ఒకే చోట ఏర్పాటు చేయడం ఏకంగా పదిహేను బ్యాంకులు, బీమా సంస్థలు కార్యకలాపాలు ప్రారంభించడం ద్వారా అమరావతికి ఆర్ధిక నిబ్బరం కలుగుతుందని ఆమె వెల్లడించారు. భవిష్యత్తు అమరావతిదే అన్నారు. మరో ఏణ్ణర్థం కాలంలోనే అమరావతి భవిష్యత్తు తరాలకు అద్భుత నగరంగా రాజధానిగా తయారవుతుందని కేంద్ర ఆర్ధిక మంత్రి చెప్పడం విశేషం.
ఇదిలా ఉంటే కేంద్రం ఏపీ పట్ల మరింతగా ప్రేమను చూపాలని అంతా కోరుతున్నారు. ఉదారంగా నిధులు ఇవ్వడమే కాకుండా రాజధాని విషయంలో రుణాలను తగ్గించి ప్రత్యేక గ్రాంట్ల ద్వారా కేంద్రమే సహకారం అందిస్తే రాజధాని మీద భారాలు పడవని అంటున్నారు. కేంద్రం చేస్తున్న ఈ సహకారం సాయం బాగానే ఉన్నా ఇంకా ఏపీకి చేయాల్సి ఉందన్నది సర్వత్రా వినిపిస్తున్న మాటగా ఉంది.
