మొదట టీవీ యాంకర్గా తనకంటూ ఒక ప్రత్యేకమైన గుర్తింపు అందుకున్న అనసూయ భరద్వాజ్, తన మల్టీటాలెంట్తో సినిమాల్లోకి ఎంట్రీ ఇచ్చినప్పటి నుంచి వరుసగా అభిమానులను అలరిస్తూనే ఉంది. ‘క్షణం’ సినిమాలో విలక్షణమైన పాత్రతో ఆకట్టుకున్న అనసూయ, ‘రంగస్థలం’లో రంగమ్మత్త పాత్రతో మరింత క్రేజ్ సంపాదించింది. యాంకర్గా ఉన్నంత వరకు కేవలం గ్లామర్ షోకే పరిమితమవుతుందనుకున్నవారికి అనసూయ నటనతో సమాధానం చెప్పింది.
తాజాగా అనసూయ చీరలో చేసిన ఒక ఫోటోషూట్ సోషల్ మీడియాలో దుమ్ము రేపుతోంది. గోధుమ రంగు మరియు ఆకుపచ్చ కలర్ మిక్స్ లో ఉన్న చీర, ఆమె అందాన్ని రెట్టింపు చేసింది. నెమలి ఆకారంలో మెరిసే ఈ డిజైన్ చీరలో అనసూయ చూపించిన ఎక్స్ప్రెషన్లు ఫ్యాషన్ వర్గాల్లో ప్రత్యేకంగా ట్రెండ్ అవుతున్నాయి.
ఈ లుక్లో ఆమె మెరిసే మేకప్, నాజూకైన ఆభరణాలు, మెరుపులా మెరిసే హెయిర్ స్టైల్ అన్నీ కలిసి పర్ఫెక్ట్ ట్రెడిషనల్ లుక్ను ఇచ్చాయి. ఆమె చూపిన గ్లామర్ డోస్తో పాటు గౌరవంగా నిలిచే హావభావాలు ఆమెలో ఉన్న వేరైటీని హైలైట్ చేస్తున్నాయి. సాధారణంగా చీరలలో లావణ్యంగా కనిపించటం కొంతమంది యాంకర్లకు కష్టంగా మారినా, అనసూయ మాత్రం
తన క్యూట్ లుక్స్ తో మరింత అందాన్ని తెచ్చింది.
ప్రస్తుతం అనసూయ ఫ్లాష్ బ్యాక్ అనే తమిళ సినిమాతో బిజీగా ఉంది. ఇదిలా ఉంటే, ఆమె తాజా ఫొటోలు చూస్తుంటే చీరకే ఓ కొత్త జీవం ఇచ్చినట్టుగా అనిపిస్తోంది. ఫ్యాషన్ స్టేట్మెంట్ ఇవ్వడంలో అనసూయకు ప్రత్యేకత ఉందని ఈ లుక్ మరోసారి రుజువు చేసింది. ఈ ఫొటోలు చూసిన అభిమానులు రంగమ్మత్త స్టైల్ రిటర్న్.. అంటూ పాజిటివ్ గా కామెంట్స్ చేస్తున్నారు.
