సూప‌ర్‌స్టార్ మహేష్ బాబు ప్ర‌స్తుతం ద‌ర్శ‌క‌ధీరుడు ఎస్.ఎస్.రాజమౌళి తెర‌కెక్కిస్తున్న భారీ అడ్వెంచ‌ర్ థ్రిల్ల‌ర్‌లో న‌టిస్తున్న సంగ‌తి తెలిసిందే. #GlobeTrotter (#గ్లోబ్ ట్రోట‌ర్) అనే హ్యాష్‌ట్యాగ్‌తో మొదటి గ్లింప్స్‌ను పోస్ట్ చేయగా దానికి అద్భుతమైన స్పంద‌న వచ్చింది. గ్లోబ్ ట్రోట‌ర్ వ‌ర్కింగ్ టైటిల్ లోనే ఈ సినిమా క‌థాంశం దాగి ఉంది. ప్ర‌పంచాన్ని చుట్టేసేవాడు! అనేది దీని అర్థం. విభూది నామాలు- త్రిశూలం-ఢ‌మ‌రుకం- నందీశ్వ‌రుడు- రుద్రాక్ష‌తో ప్ర‌త్యేకంగా త‌యారు చేసిన ఒక మాల‌ను మెడ‌లో ధ‌రించిన ఒక యువ‌కుడిని పోస్ట‌ర్ లో ఆవిష్క‌రించ‌గా, ప్ర‌పంచంపై దండ‌యాత్ర చేసే ప‌ర‌మ‌శివుడిని చూపిస్తున్నాడా? అంటూ అభిమానులు ఉబ్బిత‌బ్బిబ్బ‌య్యారు.
అదంతా అటుంచితే మహేష్ బాబు ఈ శ‌నివారం నాడు 50వ పుట్టినరోజు జ‌రుపుకున్నారు. ఈ సందర్భంగా అత‌డి చుట్టూ అల్లుకున్న పాజిటివ్ వైబ్రేష‌న్ గురించి క‌చ్ఛితంగా చ‌ర్చించి తీరాలి. మహేష్ కి ఎప్పుడూ ఆయన భార్య న‌మ్ర‌త శిరోద్క‌ర్ గొప్ప అండ. మహేష్ ప్ర‌తి ప్ర‌ణాళిక‌లో న‌మ్ర‌త భాగం. అత‌డి సినిమాలు, వ్యాపారాలు అన్నిటినీ సవ్యంగా న‌డిపించ‌డంలో కీల‌క సూత్రధారి. లైఫ్ లో ఎలాంటి స్ట్రెస్ లేకుండా కుటుంబాన్ని న‌డిపిస్తున్న స‌తీమ‌ణి. ఇంకా చెప్పాలంటే అతడు సూపర్ స్టార్ గా ఎద‌గ‌డంలో స‌హ‌క‌రించిన నిజమైన అర్థ‌నారి. ఈసారి బ‌ర్త్‌డేకి మహేష్ త‌న భార్య పిల్ల‌ల‌తో శ్రీ‌లంక యాత్ర‌ను ఆస్వాధించారు.
ఇక మహేష్ బర్త్ డే సందర్భంగా, ఇండ‌స్ట్రీ ప్ర‌ముఖుల నుంచి శుభాకాంక్ష‌లు వెల్లువెత్తాయి. ఇండ‌స్ట్రీలో వేరొక హీరోకి సాధ్య‌ప‌డ‌నంత‌గా అత‌డిని ప్ర‌తి ఒక్క హీరో అభిమానిస్తారంటే అత‌డి చుట్టూ ఉన్న ఆరా(మాయ)ను అర్థం చేసుకోవ‌చ్చు. మెగాస్టార్ చిరంజీవి, పవన్ క‌ల్యాణ్‌, రామ్ చ‌ర‌ణ్‌, ప్ర‌భాస్, ఎన్టీఆర్, అడివి శేష్.. ఇంకా మహేష్ తో పాటు ఉన్న ఇండ‌స్ట్రీ స‌హ‌చ‌రులంతా అత‌డికి బర్త్ డే విషెస్ తెలిపారు. సూపర్ స్టార్ ఇక‌పై గ్లోబ‌ల్ స్టార్ గా ఏలాల‌ని విష్ చేసారు.
మహేష్ ని గ్లోబ‌ల్ స్టార్ గా ఆవిష్క‌రిస్తున్న ఎస్ఎస్ రాజమౌళి ఇప్పటికే మహేష్ చుట్టూ ఆరా (మాయ)ను క్రియేట్ చేసారు. మ‌హేష్‌తో రాజమౌళి క‌ల‌యికే ఒక పాజిటివ్ వైబ్రేష‌న్. ఇప్ప‌టివ‌ర‌కూ మ‌నం చూసిన మహేష్ వేరు… ఇక‌పై క‌నిపించ‌బోయే మహేష్ వేరు! నిజానికి మ‌హేష్‌కి టాలీవుడ్ లో ఏ ఇత‌ర ద‌ర్శ‌కుడు ఇవ్వ‌ని కానుక‌ను ఎస్.ఎస్.రాజమౌళి సిద్ధం చేస్తున్నారు. ఎస్.ఎస్.ఎం.బి 29 (గ్లోబ్ ట్రోట‌ర్) భారీత‌నం నిండిన ఒక అద్భుతమైన సాహ‌సికుడి క‌థ‌తో రూపొందుతున్న సినిమా. “ఏవో కొన్ని ఫోటోలు లేదా ప్రెస్ కాన్ఫ‌రెన్సుల‌తో మహేష్ అభిమానుల‌ను ప్ర‌జ‌ల‌ను సంతృప్తి ప‌ర‌చ‌లేన“ని రాజమౌళి అన్నారు. దీని అర్థం మహేష్ ని ఒక హాలీవుడ్ స్టార్ లా లాంచ్ చేయ‌డ‌మే త‌న ఉద్దేశ‌మ‌ని చెప్ప‌క‌నే చెప్పారు. బ‌హుశా ఈ ఎస్ఎస్ఎంబి 29 ( #GlobeTrotter) కి అంత‌ర్జాతీయ మీడియా ఎదుట మాట్లాడ‌తాన‌నే సందేశాన్ని ఇచ్చారు.
ఇక మహేష్ బాబును అర‌క్ష‌ణం అయినా విడిచిపెట్ట‌ని ఘ‌ట్ట‌మ‌నేని అభిమానులు ఎప్పుడూ అత‌డి చుట్టూ పాజిటివ్ వైబ్రేష‌న్ కి కార‌కులు. ప్ర‌తిసారీ త‌మ ఫేవ‌రెట్ స్టార్ ఈవెంట్ల‌లో సందడి చేయ‌డ‌మే కాదు, సోషల్ మీడియాల్లో, ఇత‌ర డిజిట‌ల్ మాధ్య‌మాల్లోను మహేష్ గొప్ప‌త‌నాన్ని ప్ర‌మోట్ చేయ‌డంలో అభిమానులు ఎప్పుడూ ముందుంటారు. ఇక సేవామార్గంలోను మహేష్ త‌క్కువేమీ కాదు. ఆంధ్రా హాస్పిట‌ల్స్ తో వేలాది మంది పేద దిగువ త‌ర‌గ‌తి చిన్నారుల‌కు గుండె ఆప‌రేష‌న్లు నిర్వ‌హించేందుకు మహేష్ చేస్తున్న ధాతృత్వ సేవ ఎప్పుడూ అత‌డి చుట్టూ ఒక వైబ్రేష‌న్ ని క్రియేట్ చేస్తుంది. అత‌డికి, అత‌డి కుటుంబానికి ఇది నిజమైన శ్రీ‌రామ‌రాక్ష.
టాలీవుడ్ సూపర్ స్టార్ మహేష్ బాబు నేడు 50వ బర్త్ డే జరుపుకున్న విషయం తెలిసిందే. దీంతో ఆయనకు సెలబ్రిటీలు, అభిమానులు విషెస్ చెబుతున్నారు. 50 ఏళ్లు అయినా అదే గ్లామర్ ఆయన సొంతమని అంతా కొనియాడుతున్నారు. అయితే మహేష్ పుట్టినరోజు కానుకగా అతడు సినిమా గ్రాండ్ గా రీ రిలీజ్ అయింది.
మహేష్ బాబు కెరీర్ లో అతడు మూవీకి ప్రత్యేక గుర్తింపు ఉందనే చెప్పాలి. సూపర్ స్టార్ లోని కొత్త కోణాన్ని ఆ సినిమా ఆవిష్కరించింది. అయితే మహేష్ కు అనుకున్నంత రిజల్ట్ రాకపోయినా.. ఎన్నో రికార్డులు మాత్రం క్రియేట్ చేసింది. త్రివిక్రమ్ మార్క్ డైలాగ్స్, మణిశర్మ మ్యూజిక్, మహేష్ స్టైలిష్ యాక్టింగ్ తో క్లాసిక్ గా నిలిచింది.
2005లో రిలీజ్ అయిన ఆ సినిమా.. ఇప్పుడు 20 ఏళ్ల తర్వాత నేడు ప్రేక్షకుల ముందుకు వచ్చింది. అయితే నిన్న (ఆగస్టు 8) పలు చోట్ల ప్రీమియర్స్ కూడా పడటం విశేషం. అడ్వాన్స్ బుకింగ్స్ కూడా జోరుగా సాగాయని టాక్ వినిపించింది. జెట్ స్పీడ్‌ లో కొన‌సాగాయని తెలుస్తోంది. ఓవర్సీస్ లో కూడా అదే జోరు ఉందని సమాచారం. అయితే అప్పట్లో ఓవర్సీస్ లో అతడు మూవీ బ్లాక్ బస్టర్ హిట్. ముఖ్యంగా అమెరికాలో తెలుగు సినిమా మార్కెట్ అప్పటికీ ఇప్పటికీ చాలా తేడా. తక్కువ స్క్రీన్లలో సినిమాలు రిలీజ్ అయ్యేవి. ఎక్కువగా చిరంజీవి, పవన్ కళ్యాణ్ సినిమాలు మాత్రమే సందడి చేసేవి. అప్పుడే అతడు మూవీ ఒక్కసారిగా యూఎస్ బాక్సాఫీస్ ను షేక్ చేసింది.
ఓవర్సీస్ హక్కులు రూ. 30 లక్షలకు కొనుగోలు చేయగా.. సినిమా రూ.కోటి కంటే ఎక్కువ వసూళ్లు తెచ్చిపెట్టింది. ఆ తర్వాత మహేష్ మరో మూవీ పోకిరి ఇంకా అదరగొట్టింది. నెవ్వర్ బిఫోర్ అనేలా కలెక్షన్స్ సాధించింది. సైనికుడు మూవీ అనుకున్నంత స్థాయిలో మెప్పించలేకపోయినప్పటికీ ఓపెనింగ్స్ అదిరిపోయాయి. అలా మహేష్ ఇప్పటికీ యూఎస్ మార్కెట్ ను శాసిస్తున్నారు. ఇప్పుడు అతడు మూవీతో సందడి చేస్తున్నారు. ఫ్యాన్స్, ఆడియన్స్ ఫుల్ గా ఎంజాయ్ చేస్తున్నట్లు ఇప్పటికే సోషల్ మీడియాలో పోస్టులు కనిపిస్తున్నాయి. మరి రీ రిలీజ్ లో అతడు మూవీ.. ఓవర్సీస్ లో ఎలాంటి రెస్పాన్స్ అందుకుంటుందో.. ఎంత వసూళ్లు సాధిస్తుందో వేచి చూడాలి.
