ఆస్తుల‌ను అమ్మ‌డం, ఆపై కొత్త ప్ర‌దేశాల‌లో ఆస్తుల‌ను కొనుగోలు చేయ‌డం ఇది హిందీ సెల‌బ్రిటీలకు నిత్య‌కృత్యం. అమితాబ్- అభిషేక్ బ‌చ్చ‌న్, హృతిక్ రోషన్, అక్ష‌య్ కుమార్ లాంటి స్టార్లు ఈ త‌ర‌హా ఆదాయ ఆర్జ‌న‌లో ముందున్నారు. రోషన్ ఫ్యామిలీ నుంచి రాకేష్ రోషన్- హృతిక్ రోషన్ ద్వ‌యం తెలివైన పెట్టుబ‌డులు పెట్ట‌డంలో సిద్ధ‌హ‌స్తులు. తాజా స‌మాచారం మేర‌కు.. హృతిక్ రోషన్ జుహులోని గ్రేడ్ A పొరుగు కార్యాలయ సముదాయం అయిన యురాలో ప్రీమియం వాణిజ్య ఆస్తిలో రూ. 28 కోట్లు పెట్టుబడి పెట్టారు.
హెచ్.ఆర్.ఎక్స్ డిజిటెక్ ఎల్‌.ఎల్‌.పి – ఫిల్మ్‌కుంజ్ (బొంబాయి) ఎల్‌.ఎల్‌.పి కింద ప్రాజెక్ట్ వింగ్ సిలో ఉన్న 2 అంతస్తులలో సుమారు 7,000 చదరపు అడుగుల విస్తీర్ణంలో ఈ ఆఫీస్ విస్త‌రించి ఉంది. నాలుగు అంతస్తులతో కూడిన ఈ నిర్మాణం కుటుంబానికి ఒక అంతస్తును కేటాయిస్తుంది.
యురా ప్రాంతం జుహులో అత్యంత డిమాండ్ ఉన్న వాణిజ్య కేంద్రాలలో ఒకటిగా ఉద్భవించింది. ముఖ్యంగా ఇంటికి సమీపంలో ఉద్యోగాలు అవైల‌బుల్. హృతిక్ రోషన్ నివ‌సించే ఇంటికి, ఆయ‌న తండ్రి, నిర్మాత రాకేష్ రోషన్ నివాసానికి మధ్య దాదాపు మధ్యలో ఈ ఆస్తి వ్యూహాత్మకంగా ఉందని తెలుస్తోంది. ఇంటికి ఆఫీస్ కి మధ్య దూరం చాలా త‌క్కువ. అందువ‌ల్ల ఈ ఆస్తి వారిని ఆక‌ర్షించింది.
జుహు సర్కిల్ సమీపంలో ఉన్న యురా జెన్ జెడ్ వ్యాపార అవసరాలను తీర్చడానికి స‌హ‌క‌రించే ఆఫీస్ స్థ‌లాల‌ను క‌లిగి ఉంది. వ్యాపార వాణిజ్య కార్య‌క‌లాపాల‌కు మాత్ర‌మే ఇవ్వాలి. కార్యాలయ స్థలాలతో పాటు, ఈ ప్రాజెక్ట్‌లో కేఫ్‌లు, రెస్టారెంట్ స్థ‌లాలు కూడా ఉన్నాయి. ముఖ్యంగా ఈ ఏరియా నుంచి రోడ్ క‌నెక్టివిటీ అద్భుతం. మూడు మెట్రో కారిడార్ లైన్ ల‌లో లైన్ 1, లైన్ 2ఏ, కొత్త కోస్టల్ రోడ్ సీ-లింక్, వెస్ట్రన్ ఎక్స్‌ప్రెస్ హైవేతో పాటు రాబోయే లైన్ 2బి లకు సులభంగా క‌లుపుతుంది. అద్దెదారులు, సందర్శకులకు అద్భుతమైన రోడ్ రైల్ లింక్‌లను క‌లిగి ఉంది.
హృతిక్ రోషన్ వార్ 2 లాంటి డిజాస్ట‌ర్ త‌ర్వాత కెరీర్ ప‌రంగా పున‌రాగ‌మ‌నం కోసం ఎదురు చూస్తున్నాడు. త‌దుప‌రి స్వీయ‌ద‌ర్శ‌క‌త్వంలో క్రిష్ 4 ని తెర‌కెక్కించేందుకు రెడీ అవుతున్నాడు. ఇందులో హృతిక్ హీరోగాను న‌టిస్తున్నాడు.
