హోలీ భారతదేశంలో జరుపుకునే ఒక ముఖ్యమైన పండుగ. ఇది రంగుల పండుగగా కూడా పిలువబడుతుంది. హోలీ పండుగను ఫాల్గుణ పౌర్ణమి రోజున జరుపుకుంటారు. ఈ పండుగను రెండు రోజుల పాటు జరుపుకుంటారు. మొదటి రోజును హోలికా దహనం అంటారు. రెండో రోజును రంగుల హోలీ అంటారు.ఈ పండుగ ప్రజల మధ్య స్నేహాన్ని, ఐక్యతను పెంపొందిస్తుంది.రంగులు చల్లుకోవడం ద్వారా ప్రజలు తమ ఆనందాన్ని పంచుకుంటారు.దీని చరిత్ర కొన్ని వేల సంవత్సరాల నాటిది.జైమిని పూర్వమీమాంస-సూత్రాలు, కథక-గృహ్య-సూత్రాలు వంటి పురాతన మత గ్రంథాలలో హోలీ గురించి వివరణాత్మక వర్ణనలు ఉన్నాయి.
చరిత్రకారులు హోలీని ఆర్యులు జరుపుకున్నారని విశ్వసిస్తున్నారు.చెడుపై మంచి సాధించిన విజయానికి గుర్తుగా ఈ పండుగను జరుపుకుంటారు.ఈ పండుగ వసంత ఋతువుకు స్వాగతం పలుకుతుంది.ఈ పండుగ ప్రజల మధ్య ప్రేమ, స్నేహాలను పెంపొందిస్తుంది. అయితే హోలీని అందరూ జరుపుకుంటారు కానీ, అసలు ఈ సంస్కృతి ఎక్కడ నుంచి వచ్చిందనే విషయం మాత్రం చాలామందికి తెలియదు. హోలీ పండుగ ఎక్కడ నుంచి వచ్చిందో తెలుసుకునే ప్రయత్నం చేద్దాం.హోలీ పండుగ భారతదేశంలో పుట్టింది. ఇది ముఖ్యంగా హిందూ సంస్కృతిలో ఒక ముఖ్యమైన పండుగ.
హోలీ పండుగ వెనుక అనేక పురాణ కథలు ఉన్నాయి. వాటిలో ముఖ్యమైనది ప్రహ్లాదుని కథ. హిరణ్యకశిపుని చెల్లెలైన హోలిక ప్రహ్లాదుని మంటల్లో దహనం చేయాలని ప్రయత్నించగా, విష్ణువు కృపతో ప్రహ్లాదుడు రక్షింపబడ్డాడు. హోలిక దహనం చెందింది. దీనికి గుర్తుగా హోలీ పండుగను జరుపుకుంటారు. శ్రీకృష్ణుడు తన బాల్యంలో గోపికలతో కలిసి రంగులు చల్లుకుంటూ హోలీ ఆడినట్లు పురాణాలు చెబుతున్నాయి.
హోలీ పండుగను భారతదేశంలోని వివిధ ప్రాంతాలలో వివిధ రకాలుగా జరుపుకుంటారు.ఉత్తరప్రదేశ్‌లోని మధుర, బృందావనం, బర్సానా ప్రాంతాలలో హోలీ వేడుకలు చాలా ప్రసిద్ధి చెందాయి.పంజాబ్‌లోని ఆనంద్‌పూర్ సాహిబ్‌లో జరిగే హోలీ ఉత్సవాలు కూడా చాలా ప్రసిద్ధి చెందాయి. హోలీ పండుగ భారతదేశంలోనే కాకుండా, నేపాల్, బంగ్లాదేశ్ వంటి ఇతర దేశాలలో కూడా జరుపుకుంటారు. అలాగే, ప్రపంచవ్యాప్తంగా ఉన్న భారతీయులు ఈ పండుగను ఘనంగా జరుపుకుంటారు.
ముఖ్య జాగ్రతలు
1) హోలీ ఆడడానికి సహజ రంగులు, హెర్బల్ కలర్స్ మాత్రమే ఎంచుకోవాలి.
2) కెమికల్ కలర్స్ చర్మానికి, కంటికి హాని చేస్తాయి. కాబట్టి వాటికి దూరంగా ఉండడం మంచిది.
3) హోలీ ఆడే ముందు కొబ్బరి నూనె శరీరానికి, తలకు రాసుకోవాలి. దీనివల్ల కలర్స్ శరీరం లోపలికి పోకుండా జాగ్రత్త పడవచ్చు.
4) హోలీ ఆడే చేతులతో ఎలాంటి ఆహార పదార్ధాలు తినకూడదు.
5) రంగులు కళ్లల్లో పడకుండా జాగ్రత్త పడాలి. లేదంటే కంటి చూపు దెబ్బతినే ప్రమాదాలు ఎక్కువ.
6) చర్మ సంబందిత వ్యాధులు, ఎలర్జీ ఉన్నవారు హోలీ ఆడకపోవడమే మంచిది.
7) హోలీ ఆడాక ఎలాంటి దురదలు, ఎలర్జీ వచ్చినా ఆలస్యం చేయకుండా దగ్గరలో డాక్టర్‌ని సంప్రదించాలి.
