మోడల్ గా కెరీర్ న్ స్టార్ట్ చేసి, స్టార్ హీరోయిన్ గా ఎదిగి, ప్రస్తుతం హాలీవుడ్ ను కూడా హడలెత్తిస్తోంది స్టార్ హీరోయిన్. వందల కోట్ల ఆస్తులతో లగ్జరీ లైఫ్ ను లీడ్ చేస్తున్న ఆ బ్యూటీ ఎవరో తెలుసా?ప్రపంచ సుందరిగా తన సినీ ప్రయాణాన్ని ప్రారంభించిన ప్రియాంక చోప్రా ఇప్పుడు బాలీవుడ్ ను మించి హాలీవుడ్‌లో తన ప్రత్యేకతను చాటుతోంది. సినిమాలు తగ్గించినా… ఆమె లైఫ్ మాత్రం అదే స్టార్డమ్‌తో కొనసాగుతోంది. తాజా సమాచారం ప్రకారం, ప్రియాంక చోప్రా ఆస్తుల విలువ దాదాపు 700 కోట్లు పైనే ఉన్నట్టు తెలుస్తోంది.
2000లో మిస్ వరల్డ్‌గా విజయం సాధించిన ప్రియాంక, 2002లో తమిళ సినిమా ద్వారా ఇండస్ట్రీలోకి అడుగు పెట్టింది. 2003లో ‘ది హీరో: లవ్ స్టోరీ ఆఫ్ ఎ స్పై’ సినిమాతో బాలీవుడ్‌లోకి ఎంట్రీ ఇచ్చింది. ఆ తరువాత ‘ఫ్యాషన్’, ‘డాన్’, ‘బర్ఫీ’, ‘ మేరీ కోమ్’ లాంటి విజయవంతమైన చిత్రాల్లో నటించి స్టార్ హీరోయిన్‌గా ఎదిగింది.ప్రస్తుతం ప్రియాంక చోప్రా రాజమౌళి – మహేష్ బాబు కాంబినేషన్‌లో రూపొందుతున్న పాన్ వరల్డ్ సినిమాలో నటిస్తోంది. దాదాపు 1000 కోట్ల బడ్జెట్ తో ఈమూవీ తెరకెక్కుతోంది. ఇక తన భ‌ర్త నిక్ జోనాస్, కూతురు మాల్టి మేరీ తో కలిసి అమెరికాలోని లాస్ ఏంజిల్స్ లో ఓ లగ్జరీ హౌస్‌లో ఉంటోంది ప్రియాంక.
ప్రియాంక ఫ్యాషన్ విషయంలో ఎప్పుడూ ప్రత్యేకంగా కనిపిస్తుంది. 2016లో ఆస్కార్ వేడుకలో ప్రియాంక ధరించిన వజ్రాల చెవి దిద్దులు చాలా ప్రత్యేకంగా నిలిచాయి. వాటి విలువ దాదాపు 21.75 కోట్లు ఉంటాయని అంచనా. అంతే కాదు ఆమె దగ్గర 72 కోట్లు విలువ చేసే ఓ అందమైన గౌన్ కూడా ఉంది. అంతేనా 2018లో నిక్ జోనాస్‌తో ఎంగేజ్మెంట్ సమయంలో ప్రియాంక వేలుకి ధరించిన డైమండ్ రింగ్ ఖరీదు 2.1 కోట్లు.ఇలా కాస్ట్లీ లైఫ్ ను లీడ్ చేస్తోన్న ప్రియాంక ఖరీదైన బట్టలు, కార్లు, మేకప్ బ్రాండ్లు మాత్రమే ఉపయోగిస్తుంది. ఆమె ఎన్నో ఫ్యాషన్ ఈవెంట్స్‌లో పాల్గొంది, ప్రపంచ వ్యాప్తంగా ఆమెకు మోడల్ గా, హీరోయిన్ గా మంచి గుర్తింపు ఉంది.
సినిమాలు తగ్గించినా, ఆమె ఆదాయం తగ్గలేదు. సినిమాలతో పాటు, బ్రాండ్ ఎండార్స్‌మెంట్లు, వ్యాపారాలతో కలిసి ఆమె సంపద రోజురోజుకీ పెరుగుతోంది. ప్రస్తుతం హాలీవుడ్‌లో పలు వెబ్ సిరీస్‌లు, సినిమాల్లో నటిస్తున్న ప్రియాంక ది వైట్ టైగర్ అనే సినిమా ద్వారా చివరిసారిగా బాలీవుడ్ తెరపై కనిపించిందిఆమధ్య సినిమాలకు దాదాపు నాలుగేదేళ్లు బ్రేక్ ఇచ్చింది ప్రియాంక. అయినా సరే ఆమె కెరీర్ డౌన్ అవ్వలేదు. స్టార్ డమ్ తో పాటు లగ్జరీ లైఫ్ లో కూడా ఏమాత్రం తేడా రాలేదు. ఇండియాన్ హీరోయిన్ అయినా ప్రియాంక ప్రస్తుతం గ్లోబల్ ఐకాన్‌గా కొనసాగుతోంది.
