ధోని.. విరాట్.. ఈ ఇద్దరు గురుశిష్యులు టీమిండియాకు చేసిన సేవలు అన్నీ ఇన్నీకాదు.. ధోని విజయంతమైన కెప్టెన్ అయితే.. విరాట్ విజవంతమైన ఆటగాడిగా నిలిచాడు. ఇలాంటి దిగ్గజ క్రికెటర్ల మధ్య బాంధవ్యం ఇప్పటికీ ఉంది. వీరి కలయిక ఇప్పటికీ సోషల్ మీడియాను ఊపేస్తుంది. అందుకే వీరి కలయిక ఎప్పుడూ సోషల్ మీడియాను ఊపేస్తూనే ఉంటుంది.
టీమిండియా దక్షిణాఫ్రికాతో జరుగుతున్న వన్డే సిరీస్‌లో భాగంగా రాంచీకి చేరుకుంది. ఈ తరుణంలో భారత క్రికెట్ చరిత్రలో అత్యంత ప్రభావశీలురులైన ఎం.ఎస్. ధోని , విరాట్ కోహ్లీ ఒకే చోట కనిపించిన అరుదైన సందర్భం అభిమానులలో పండగ వాతావరణాన్ని సృష్టించింది. ఈ ఇద్దరు ఐకానిక్ క్రికెటర్లు ఒకే ఫ్రేమ్‌లో కనిపించడం కోట్లాది మంది ఫ్యాన్స్‌కు ప్రత్యేక ఉత్సాహాన్ని ఇచ్చింది.
రాంచీ ధోని స్వస్థలం. అక్కడ అతడు నిర్మించుకున్న విశాలమైన ఫార్మ్‌హౌస్, ఆధునిక సౌకర్యాలతో కూడిన నివాసం, ప్రత్యేకంగా తీర్చిదిద్దిన సూపర్‌బైక్స్, లగ్జరీ కార్ల గ్యారేజ్ ఎంతో ప్రసిద్ధి చెందాయి. రాంచీకి వచ్చిన టీమిండియా ప్లేయర్లందరినీ ధోని తన ఇంటికి ఆహ్వానించి వారికి ప్రత్యేక విందు ఏర్పాటు చేశాడు. టీమ్ ఇప్పటికే రాంచీకి చేరుకుని తమ ప్రాక్టీస్‌లో నిమగ్నం కాగా, ఈ విరామ సమయంలో ధోని వారందరితో ఆత్మీయంగా గడిపినట్టు సమాచారం.
సోషల్ మీడియాను మొత్తం షేక్ చేస్తున్న దృశ్యాలలో విరాట్ కోహ్లీ ధోని గ్యారేజీలో ఉన్న వాహనాల అపురూప కలెక్షన్‌ను చూసి ఆశ్చర్యపోతూ ఉన్న ఫోటోలు ప్రముఖంగా వైరల్ అవుతున్నాయి. ఈ ఫోటోలకు ఇప్పటికే లక్షలాది లైకులు, వేలల్లో కామెంట్లు, కోట్లల్లో వీక్షణలు నమోదయ్యాయి. ధోని , విరాట్ ఇద్దరూ ఆత్మీయంగా మాట్లాడుకుంటున్న వీడియోలు ఫ్యాన్స్‌ను మరింత ఉత్సాహంలో ముంచెత్తుతున్నాయి.
జాతీయ మీడియా కథనాల ప్రకారం.. ధోని తనకు ప్రత్యేకమైన రాంచీ ప్రాంత ఫేమస్ వంటకాలతో పాటు, పారంపరిక వంటకాల నుంచి ప్రీమియం డిలైట్స్ వరకు అన్నింటినీ స్వయంగా పర్యవేక్షిస్తూ ఆటగాళ్లందరికీ కుటుంబ సభ్యుల్లా ఆతిథ్యం ఇచ్చారు. టీమ్ ఇండియా ప్లేయర్లు కూడా ఈ ఆతిథ్యానికి ఎంతగానో ముగ్ధులయ్యారని “ధోని ఇచ్చిన ఆతిథ్యం మర్చిపోలేనిది” అంటూ తమ ఆనందాన్ని పంచుకున్నట్లు వార్తలు వెలువడుతున్నాయి.
ధోని అంతర్జాతీయ క్రికెట్‌కు వీడ్కోలు పలికినా.. అతని ప్రభావం క్రికెట్ ప్రపంచంలో ఇంకా కొనసాగుతూనే ఉంది. విరాట్ కోహ్లీ ప్రస్తుతం జట్టుకు తనదైన శైలిలో సేవలందిస్తున్నారు. ఈ ఇద్దరు దిగ్గజాలు ఒకే చోట కనిపించడం అభిమానుల్ని మరోసారి క్రికెట్ లోకంలోకి తీసుకెళ్లింది. ధోని కెప్టెన్సీలో విరాట్ కోహ్లీ ఆటగాడిగా వికసించిన రోజులను గుర్తుచేస్తూ ఫ్యాన్స్ వీరిద్దరి బంధాన్ని మరోసారి సెలబ్రేట్ చేసుకున్నారు.
ధోని భార్య సాక్షి ధోని ఇన్‌స్టాగ్రామ్‌లో పంచుకున్న ఫోటోలు, ప్లేయర్లు పోస్ట్ చేసిన స్టోరీలు, ఈ రాంచీ విందును సోషల్ మీడియాలో ట్రెండింగ్ టాపిక్ గా మార్చాయి. ఐపీఎల్ సీజన్ మినహా ఇలాంటి సందర్భాల్లో ధోని–విరాట్ కలవడం అభిమానుల హృదయాలను గెలుచుకుంది.
క్రికెట్ రాజులు ధోని-విరాట్ కలిసిన ప్రతిసారీ, అభిమానుల హృదయాల్లో కొత్త ఆనందం పుడుతుంది. రాంచీలో జరిగిన ఈ అరుదైన సమావేశం, ధోని ఆతిథ్యం, విరాట్ గ్యారేజ్ సందర్శన.. ఇవన్నీ సోషల్ మీడియాలో సంచలనం సృష్టించాయి.
క్రికెట్‌లో ఫార్మ్ మారొచ్చు, బ్యాట్స్‌మన్‌లు మారొచ్చు… కానీ ధోని-విరాట్ వంటి లెజెండ్స్‌ ప్రభావం మాత్రం ఎప్పటికీ మారదు అని అభిమానులు సంబరపడుతున్నారు.
సౌతాఫ్రికాతో వన్డే సిరీస్ కోసం రాంచీకి వచ్చిన టీమిండియా స్టార్ బ్యాటర్ విరాట్ కోహ్లీ, వికెట్ కీపర్ రిషభ్ పంత్‌కు దిగ్గజ కెప్టెన్ మహేంద్ర సింగ్ ధోనీ దావత్ ఇచ్చాడు. గురువారం రాత్రి తన ఇంట్లో డిన్నర్ ఏర్పాటు చేశాడు. ఈ దావత్ పూర్తయిన అనంతరం ధోనీనే స్వయంగా తన కారులో విరాట్ కోహ్లీని టీమ్ హోటల్‌కు తీసుకొచ్చాడు. ఇందుకు సంబంధించిన వీడియోలు నెట్టింట వైరల్‌గా మారాయి.
ఇక తన కుటుంబంతో లండన్‌లో నివసిస్తున్న విరాట్ కోహ్లీ.. సౌతాఫ్రికాతో మూడు వన్డేల సిరీస్ కోసం బుధవారం భారత్‌కు చేరుకున్న సంగతి తెలిసిందే. ఈ మూడు వన్డేల సిరీస్‌లో భాగంగా తొలి మ్యాచ్ రాంచీ వేదికగా జరగనుంది. దాంతో జట్టుతో కలిసి కోహ్లీ రాంచీ వచ్చాడు. తమ హోమ్ టౌన్‌కు వచ్చిన కోహ్లీ, పంత్‌లకు ధోనీ తన ఇంట్లో డిన్నర్ ఏర్పాటు చేశాడు. ధోనీ నివాసానికి కోహ్లీ వచ్చిన వీడియోలు.. తిరిగి ధోనీ హోటల్ గదిలో దిగబెట్టిన వీడియోలు నెట్టింట వైరల్‌గా మారాయి.
కోహ్లీ రాకను తెలుసుకున్న ఫ్యాన్స్.. పెద్ద ఎత్తున ధోనీ ఇంటి వద్దకు చేరుకున్నారు. కోహ్లీ, కోహ్లీ.. అని గట్టిగా నినాదాలు చేశారు. అభిమానులను పోలీసులు అదుపు చేసి కోహ్లీని ధోనీ ఇంట్లోకి తీసుకెళ్లారు. రాంచీ వేదికగా చివరిసారిగా భారత్ గతేడాది ఇంగ్లండ్‌తో నాలుగో టెస్ట్‌ ఆడింది. ఈ మ్యాచ్‌కు కోహ్లీ దూరంగా ఉన్నాడు. తన కొడుకు అకాయ్ జన్మించడంతో ఈ సిరీస్ నుంచి విశ్రాంతి తీసుకున్నాడు.
