అహ్మదాబాద్ నుంచి లండన్కు వెళ్లాల్సిన ఎయిరిండియా విమానం (AI-159)లో మంగళవారంనాడు సాంకేతిక లోపం తలెత్తింది. దీంతో విమాన సర్వీసును రద్దు చేసారు. ఇదే మార్గంలో ఎయిరిండియా విమానం (AI-171) ఈనెల12న అహ్మదాబాద్లో ఘోర దుర్ఘటన జరిగి విమానంలోని 241తో సహా, విమానం కూలిన నివాస సముదాయంలోని మరో 33 మంది మృతి చెందారు. ఈ ప్రమాదం తర్వాత ఇదే మార్గంలో లండన్కు వెళ్లాల్సిన తొలి షెడ్యూల్ విమానం కూడా ఇదే కావడం విశేషం.
కాగా, ఏఐ-159 బోయింగ్ 787-8 డ్రీమ్లైనర్ విమానం షెడ్యూల్ ప్రకారం మధ్యాహ్నం 1.10 గంటలకు బయలుదేరాల్సి ఉండగా, తనిఖీలు చేపట్టారు. సాంకేతిక లోపం తలెత్తడంతో వెంటనే సర్వీసును నిలిపివేశారు. అహ్మదాబాద్ ఘోర విమాన ప్రమాదం తర్వాత ఏఐ-171 నెంబర్ను ఏఐ-159గా, రిటర్న్ ఫ్లయిట్ నెంబర్ను ఏఐ-160గా మార్చారు.
జూన్ 12న అహ్మదాబాద్ నుంచి లండన్ బయలుదేరిన ఎయిరిండియా విమానం ఏఐ 171 బోయింగ్ 787-8 డ్రీమ్ లైనర్.. టేకాఫ్ అయిన క్షణాల్లో కుప్పకూలిపోయిన సంగతి తెలిసిందే. ఈ ఘటనలో 241 మంది ప్రాణాలు కోల్పోగా, ఒకే ఒక్క ప్రయాణికుడు గాయాలతో బయటపడ్డారు. ఇక ఈ విమానం కూలిన నివాస సముదాయాల్లోని మరో 33 మంది మృతి చెందారు.
ఈ ఘోర విమాన ప్రమాదం అనంతరం ఏఐ 171 ఫ్లైట్ నెంబర్ ను ఎయిరిండియా పక్కనపెట్టేసింది. దాని స్థానంలో ఏఐ 159 నెంబర్ ను వినియోగించింది. అయితే.. తాజాగా ఇప్పుడు ఆ కొత్త సిరీస్ విమానంలోనూ సాంకేతిక సమస్య ఎదురైంది. ఇందులో భాగంగా… ఎయిరిండియా ఏఐ 159 బోయింగ్ 787 – 8 డ్రీమ్ లైనర్ విమానం మంగళవారం టెన్షన్ పెట్టింది.
అవును… దేశీయ విమానయాన సంస్థ ఎయిరిండియాలో వరుస ఘటనలు భయాందోళనకు గురిచేస్తున్న సంగతి తెలిసిందే. అహ్మాదాబాద్ లో జరిగిన ఘోర ప్రమాదం అనంతరం వరుసగా ఈ ఘటనలు జరుగుతుండటం గమనార్హం. ఇందులో భాగంగా.. వరుసగా పలు విమానాల్లో సాంకేతిక లోపాలు బయటపడుతుండటం కలవరపెడుతోంది. ఈ క్రమంలో… ఎయిరిండియా ఏఐ-159 బోయింగ్ 787 – 8 డ్రీమ్ లైనర్ విమానం మంగళవారం మధ్యాహ్నం 1:10 గంటలకు అహ్మదాబాద్ నుంచి లండన్ బయలుదేరాల్సి ఉంది. ఈ క్రమంలోనే విమానంలో తనిఖీలు చేస్తున్నారు. ఈ సమయంలో సాంకేతిక సమస్యను గుర్తించారు. దీంతో.. టేకాఫ్ నిలిపేసిన అధికారులు సర్వీసును రద్దు చేస్తున్నట్లు ప్రకటించారు. కాగా… జూన్ 12న అహ్మదాబాద్ నుంచి లండన్ వెళ్లాలసిన ఎయిరిండియా విమానం ఘోర ప్రమాదానికి గురైన అనంతరం లండన్ వెళ్లాల్సిన తొలి షెడ్యూల్డ్ విమానం ఇదే కావడం గమనార్హం.
