రామ్ చరణ్ నటిస్తున్న ‘పెద్ది’ సినిమా షూటింగ్ శరవేగంగా సాగుతోంది. బుచ్చిబాబు దర్శకత్వంలో, జాన్వీ కపూర్ హీరోయిన్‌గా రూపొందుతున్న ఈ చిత్రం మార్చి 27న విడుదల కానుంది. ఇటీవల విడుదలైన ‘చికిరి.. చికిరి’ సాంగ్‌కు విపరీతమైన స్పందన వస్తోంది. అయితే ‘పెద్ది’ పూర్తయ్యాక చరణ్ సినిమాలకు బ్రేక్ ఇవ్వబోతున్నారని సమాచారం. భార్య ఉపాసన కవల పిల్లలకు జన్మనివ్వబోతుండటంతో, ఆ సమయంలో కుటుంబంతో ఉండాలని చరణ్ నిర్ణయించుకున్నట్లు తెలుస్తోంది. సుకుమార్ సినిమా కూడా కొంత ఆలస్యం అయ్యే అవకాశం ఉంది.
మెగాస్టార్ చిరంజీవి నట వారసుడిగా ‘చిరుత’ మూవీతో హీరోగా ఎంట్రీ ఇచ్చిన రామ్‌చరణ్ ఒక్కో మెట్టూ ఎదుగుతూ ఇప్పుడు గ్లోబల్ స్టార్‌గా ఎదిగాడు. ‘మగధీర’ తొలి బ్లాక్‌బస్టర్ అందుకున్న ఆయన ‘రంగస్థలం’లో అదిరిపోయే నటనతో తనపై వినిపించే విమర్శలన్నింటకీ చెక్ పెట్టేశారు. రాజమౌళి దర్శకత్వంలో వచ్చిన ‘ఆర్ఆర్ఆర్’తో గ్లోబల్ స్టాయిలో పేరు తెచ్చుకున్నాడు. ఈ ప్రయాణంలో తన నటనని మెరుగుపరుచుకుంటూ స్క్రీన్ ప్రెజెన్స్‌, డ్యాన్స్‌తో అందరినీ మెస్మరైజ్ చేస్తున్నాడు.
ప్రస్తుతం చరణ్ నటిస్తున్న ‘ పెద్ది ’ సినిమా అభిమానులకే కాదు, మొత్తం ఇండస్ట్రీకి భారీ అంచనాలు సెట్ చేస్తోంది. దర్శకుడు బుచ్చిబాబు సానా దర్శకత్వం వహిస్తున్న ఈ చిత్రం గ్రామీణ నేపథ్యంతో స్పోర్ట్స్ బ్యాక్‌డ్రాప్ యాక్షన్ డ్రామాగా తెరకెక్కుతోంది. ఇందులో జాన్వీ కపూర్ హీరోయిన్‌గా నటిస్తుండగా.. శివ రాజ్‌కుమార్, జగపతిబాబు, దివ్యేందు శర్మ లాంటి నటులు కీలక పాత్రల్లో కనిపించనున్నాడు ఇప్పటికే విడుదలైన ఫస్ట్ లుక్‌లు, గ్లింప్స్, ప్రోమో వీడియోలు అన్నీ కలిపి ఈ చిత్రానికి ‘రంగస్థలం’ వైబ్స్ తీసుకొస్తున్నాయి. అవన్నీ ఒకెత్తయితే తాజాగా విడుదల చేసిన ‘చికిరి చికిరి’ ఫస్ట్ సింగిల్ పాట అంచనాలను రెట్టింపు చేసేసింది. అందులో చరణ్ డ్యాన్స్, గ్రేస్ నెక్ట్స్ లెవల్‌గా అనిపిస్తున్నాయి. 24 గంటల్లోనే ఎక్కువ మంది చూసిన సాంగ్‌లో ఈ పాట్ యూట్యూబ్‌లో ట్రెండ్ సెట్ చేసింది. మ్యూజిక్, వాయిస్ టెక్స్చర్, రిధమ్ అన్నీ కలిసి ఈ సాంగ్‌ని బ్లాక్‌బస్టర్ చేశాయి.
‘పెద్ది’ మూవీలో చరణ్ పుట్టినరోజు సందర్భంగా వచ్చే ఏడాది మార్చి 27న రిలీజ్ కానుంది. ఈ క్రమంలోనే షూటింగ్ ముగింపు దశకు చేరుకోగా.. పోస్ట్ ప్రొడక్షన్ పనులు కూడా వేగం పుంజుకున్నాయి. దీని తర్వాత సుకుమార్ దర్శకత్వంలో చరణ్ నటించాల్సి ఉంది. దీంతో పాటు మరికొన్ని కథలు విన్నాడని, వాటన్నింటినీ లైన్లో పెట్టబోతున్నాడని టాక్ వినిపించింది. ముఖ్యంగా సందీప్ రెడ్డి వంగాకి గ్రీన్‌సిగ్నల్ ఇచ్చాడని ప్రచారం జరిగింది.
అయితే ప్రస్తుత సమాచారం ప్రకారం చరణ్ కొంతకాలం సినిమాలకి గ్యాప్ ఇవ్వాలని నిర్ణయించుకున్నాడట. ‘పెద్ది’ షూటింగ్ పూర్తికాగానే కొద్ది నెలల పాటు సినిమాలకు చరణ్ దూరంగా ఉండనున్నాడు. చరణ్ భార్య ఉపాసన ప్రస్తుతం గర్బవతిగా ఉన్న సంగతి తెలిసిందే. వారికి కవల పిల్లలు పుట్టబోతున్నట్లు తెలుస్తోంది. ఈ నేపథ్యంలోనే డెలివరీ సమయంలో భార్య పక్కనే ఉంటూ పుట్టబోయే పిల్లల కోసం కొంత సమయం కేటాయించాలని చరణ్ నిర్ణయించుకున్నట్లు తెలుస్తోంది. గతంలో క్లీంకార పుట్టినప్పుడు కూడా చరణ్ ఇలాగే సినిమాలకు గ్యాప్ తీసుకున్నాడు. ఈ విషయం తెలిసి కొంతమంది ఫ్యాన్స్ ఫీలవుతున్నా.. చాలామంది మాత్రం చరణ్ నిర్ణయాన్ని అభినందిస్తున్నారు. కెరీర్‌తో పాటు కుటుంబానికి ప్రాధాన్యత ఇవ్వాల్సిన అవసరం ఉందని, ఈ విషయంలో రామ్‌చరణ్ మిగతావారికి ఆదర్శంగా నిలుస్తున్నాడని కొనియాడుతున్నారు.
